САНАМАҚТАР / СЧИТАЛОЧКИ
Санамақ - жас балаларға арналған ұлттық ойын. Ол ептілікті, икемділікті қажет етеді. «Санамақ» ойыны алғашқы ондықты оқып-үйрену кезеңінде математиканың бастапқы негіздерін толық меңгеруге мүмкіндік береді.
ОНҒА ДЕЙІН САНАУ
Бір - білім ал,
Екі - ерлік көрсет.
Үш - үлгі тұт
Төрт - тәртіп керек.
Бес - бестік баға ал,
Алты - алғыс ал.
Жеті - жеңіс біздікі
Сегіз - сенім керек.
Тоғыз - тоқу керек
Он - оқу керек.
Бір дегенім - білеу,
Екі дегенім - егеу,
Үш дегенім - үскі,
Төрт дегенім - төсек,
Бес дегенім - бесік,
Алты дегенім - асық,
Жеті дегенім - желке,
Сегіз дегенім - серке,
Тоғыз дегенім - торқа,
Он дегенім - оймақ,
Он бір ауыз қара жұмбақ.
Қ. Мырза Әли
