Web бағдарламалау туралы жалпы түсінік
Web-дизайн – визуалды электронды веб-беттерді, сайттарды дайындау тәсілі. Web-дизайн негіздері – студенттердің бастапқы веб-беттерді құру жұмыстарын үйренуге, яғни HTML гипермәтіндік тілімен, Javascript тілінің негіздерімен, MS FrontPage, Adobe Dreamweaver бағдарламаларымен, PHP тілімен жұмыс істеп үйренуге бағытталған курс болып табылады.
Бұл курсты оқу нәтижесінде студенттер келесі біліктер мен білімдерді алу керек:
web-дизайн түсінігі, тарихы және даму бағыты туралы жалпы көрсетілімін білу;
веб-беттерді құрылымымен танысу;
веб-беттерді құру тәсілдерін білу;
HTML гипермәтіндік тілімен жұмыс істеп үйрену;
динамикалық HTML-құжаттарын құрастырудық заман талаптарына сай әдістері мен құралдарын білу;
HTML және JavaScript тілдеріндегі бағдарламалар мен алгоритмдерді жасау туралы түсінікке ие болу;
HTML, JavaScript, PHP тілдерінің және MS FrontPage, Adobe Dreamweaver бағдарламаларының мүмкіндіктерін білу;
HTML, JavaScript, PHP тілдерінің және MS FrontPage, Adobe Dreamweaver бағдарламаларының құралдарының қызметтерін білуге;
сайтты құру тәсілдерін меңгеру;
MS FrontPage, Adobe Dreamweaver бағдарламалары көмегімен
Web-сайттар құру;
Web-сайттар жасау мен оларды Internet-тің Web-серверлерінде орналастыру мен түзетуге қатысты практикалық дағдыларды меңгеру.
«Web-дизайн негіздері» оқу құралында теориялық және практикалық сабақтарға арналған материалдар қамтылған, әр тақырып соңында бақылау сұрақтары мен өзіндік тапсырмалар берілген.
«Web-дизайн негіздері» курсы бойынша практикалық жұмыстың әдістемесі - әрбір тақырып бойынша үйренген теориялық білімді практикалық тапсырмалар арқылы толықтыруға арналған оқу-әдістемелік кешенінің құрамдас бөлігі болып табылады.
Мұндағы жұмыстар «Web-дизайн негіздері» курсын оқытудың жалпы тақырыптық жоспарына, яғни оқу пәнінің жұмыс бағдарламасына сәйкес жазылған. Студенттер өткен материалды тәжірибе жүзінде пайдаланып, өз білімдерін тексере алады.
Дизайн дегеніміз - заттық ортаны қалыптастыру бойынша жобалық пәнаралық көркемдік-техникалық іскерліктің түрі.
Дизайн дегеніміз - форманы мазмұнынан нақты объектілерді формальді (немесе абстракты) объектілермен алмастырып бөлу.
Дизайнның 3 түрі бар:
графикалық дизайн;
өндірістік дизайн;
архитектуралық ортаның дизайны.
Графикалық дизайнның жобалау объектілері қаріптер, пиктограммалар, фирмалық стильдер, түрлі визуалды коммуникациялар және т.б. болып табылады.
Өндірістік дизайнның жобалау объектілері машиналар, құрылғылар, жиһаз, ыдыс, киім болып табылады.
Архитектуралық ортаның дизайнын жобалау объектілері интерьер дизайнымен қоса, үй салу және олардың комплекстері болып табылады.
Футородизайн дегеніміз - қазіргі таңда қандайда бір себепті қолданыла алмайтын болашақтық жобалардың дизайны.
Технологиялардың дамуы сайттарды жетілдіре түсті, web-беттің көркемделуіне үлкен көңіл бөліне бастады. Сурет графикасы әдемі, сапалы жасалуы бағалана бастады. Осылармен бірге web-дизайн дами түсті. Web-дизайн түсінігіне сайттың шаблонын жасау және оны графикалық көркемдеу жатады. Қазіргі таңда web-дизайн өзіне бірнеше мақсат қояды: қолданушыда объект бейнесін оң қабылдату, сайт құрылымының қарапайымдылығы мен анықтылығы, қолданушы интерфейсінің оңай түсінігі, навигациялық жүйенің ыңғайлылығы және т.б. Осы мақсаттарға жету үшін сайтты құрастырушы компьютерлік графикамен жұмыс жасайтын ,бағдарлама-құралдарының кең таңдауын, html және java кодтарын қолданады. Бұл оның әлі де даму үстінде екенін көрсетеді. Web-дизайн білім мен өнердің қосылысы.
Веб-дизайн (Web page design) – пайдаланушының веб–браузер немесе басқа да графикалық веб–интерфейсімен көре алатын технологияларды қолданып, веб жүйесі арқылы электронды мазмұнын жеткізетін жобалау, жоспарлау, модельдеу немесе жүзеге асыру үрдісі.
2) Композиция және оның негізгі ережелері.
Композиция – бұл тірі организм. Онда барлығы өзара байланысқан және әрқайсысы өз орнында тұрады, әрбір элемент өз функциясын орындайды. Егер ол орнынан ауысып кетсе, онда барлығы бұзылады. Дизайнердің міндеті барлығын өз орнына қою болып табылады.
Композиция дегеніміз - мазмұны, сипаттамасы және тағайындалуы ескертілінген көркемдік туындыны мақсаттқа бағыттап құру.
Композицияның негізгі фронтальді, көлемді, көлемді-кеңістік түрлері бар. Композицияның негізгі элементтері нүкте, кесінді, дақ болып табылады.
Композицияның негізгі заңдарына бүтіндік және бірлік, тепе-теңдік, қатар бағыну жатады.
Бүтіндік және бірлік – бұл барлық элементтер бір бүтін болып орналасқан күйі.
Тепе-теңдік – бұл барлық элементтер бір-бірімен балансталған композицияның күйі.
