Символдар бойынша жолдарды өңдеу

Пән: Информатика Мектеп: №201 мектеп - лицей

Ұзақ мерзімді жоспар бөлімі: Мұғалімнің аты-жөні: Есназарова Аида

Күні: 11.01.2017ж Қатысқандар саны:

Сынып: 9 а, в Қатыспағандар саны:

Сабақ тақырыбы

Символдар бойынша жолдарды өңдеу

Осы сабақта қол жеткізілетін оқу мақсаттары (оқу бағдарламасына сілтеме)

Оқушыларды символдық және жолдық  шамалармен орындалатын амалдармен таныстыру. Символдық мәліметтерді Паскаль тілінде программалау арқылы өңдеу тәсілдерін жүзеге асырып, оқушылардың логикалық ой-өрістерін дамыту;

Сабақ мақсаттары

Барлық оқушылар: Символдық жолдардың не екенін біледі

Көптеген оқушылар: Символдық жолдардың жазылу түрін айта алады

Кейбір оқушылар: програмалау тілінде өрнектей алады

Жетістік критерийлері

Функциялар мен процедуралар туралы білім, білік, қолдану дағдысы жетіледі.Программаны ықшам, сапалы жазу дағдысы дамиды.

Тілдік мақсаттар

Concat, Length(s), Copy (s,p,n), Delete(s,p,n), Insert сөздерінің программада қолданылуы

Құндылықтарды дарыту

Программа құруда қадамдар реттілігін сақтау.Символдық шамалармен жұмыс істей алады.Өз білімінің деңгейі туралы ой қорытады.

Пәнаралық байланыстар

Ағылшын тілдік мақсатта, математика пәнімен есептер шыгару барысында

АКТ қолдану дағдылары

Бейнебаян, слайд арқылы суреттер көрсетілді, компьютермен жұмыс жасайды.Паскалб программасында

Бастапқы білім

Символдық және жолдық шамалар туралы білімдері артады, оларды ажырата алады.

Сабақ барысы

Сабақтың жоспарланған
кезеңдері

Сабақтағы жоспарланған іс-әрекет

Ресурстар

Сабақтың басы

6 мин

Үй тапсырмасын қайталау. Сиқырлы сандар 8 мин

Оқушылармен амандасу.Сабаққа қатысын тексеру.Оқушыларды 2 топқа бөлу. Топқа бөлу үшін қолданылатын сөздер: (Алг, басы, енгізу, шығару, соңы, program; var; begin; readln, writeln; end,монитор, пернетақта, тышқан, жүйелік блок,колонка.) Берілген сөздерді құрап 3 топқа бөлінеді. бағалау бетшесін тарату.

«Сиқырлы сандар» ойыны. Ойынның шарты: оқушы интерактивті тақтадағы көрсетіліп  тұрған санның  бірін шертіп , шыққан сұраққа жауап беру керек. Егер жауап бере алмаса оның тобы көмектеседі.

І топтың сұрақтары.Символдық шама деген не?(мән ретінде ір ғана таңбаны қабылдай алады).Символдық шамалар қандай қызметші сөзбен белгіленеді?(char).Паскальда бос орын қандай рөл атқарады? (символ болып табылады)

ІІ топтың сұрақтары.Символдық шамаларға қолданылатын қандай стандартты функцияларды білесіңдер?(chr(x), ord, pred, succ, upcase).Символдық мәліметтерді енгізудің қандай ерекшеліктері бар?(ентер пернесін басқанда ақиқат, басқа жағдайда жалған болады ).EOLN функциясының қызметі? (жолдың соңы болды)

Интекактивті тақта, слайд

Интерактивті тақтада көрсетіліп тұрған слайд материалдары

Сабақтың ортасы

15 мин

Компьютермен жұмыс

10 мин

Жұптық жұмы.Тапсырмаларды орындауМысалдардың шешуін тап

Мысал 1.

var s1, s2, s3: string;

s1: = ' Бірлігі жоқ ел тозады';

s2:= 'бірлігі күшті ел озады’;

s3:=s1+’ ’+s2;

s3 мәні неге тең болады? __Бірлігі жоқ ел тозады, бірлігі күшті ел озады.__

Мысал 2.

s1:='12345';
s2:= 'Қанағаттандырарлық’;
k1:=Length(s1);
k2:=Length(s2).

Шешімі: kl=___5______, k2=___18______.

Мысал 3.

s1:='паровоз'; 
s2:='123456';
s3:=copy(s1, 5, 3); 
writeln(s3); 
writeln(copy(s2, 3, 2));

Шешуі: ________воз 34_____________

Мысал 4.

Программа үзіндісі:

s:='стандарт'; 
delete(s, 4, 3);
writeln(s);

Шешуі: __________старт__

І топтың есебі. Оқулықтағы (99 бет) 1-мысалды орындау. Берілген сөз тіркесінен ең ұзынын анықтау.

ІІ топтың есебі. Оқулықтағы (99 бет) 2-мысалды орындау. Сөз тіркесі берілген. «по» буыны қанша рет кездесетіндігін есептейтін программа құру.

Интерактивті тақта, слайд. Компьютер , паскаль программасы

Интерактивті тақта, слайд. Компьютер , паскаль программасы

Слайд , компьютер, паскаль программасы

Сабақтың соңы

6 мин

Қорытындылау. Кері байланыс Фишбаун әдісі. Әр топ оқушыларына балық суреті салынған парақтар таратылады. Балықтың басына сабақ тақырыбы жазылады,қанатына сурақтар жазылады, құйрығына сұрақтарға жауап жазылады. Әр топ келесі топқа 3 сұрақтан тұратын сұрақтар жазады. Үйге тапсырма: Символдар бойынша жолдарды өңдеу. 102 беттегі 9 тапсырманы орындау

Балық суреті салынған таратпа қағаз үлгілері

Саралау –оқушылар-
ға қалай көбірек қолдау көрсетуді жоспарлайсыз?
Қабілеті жоғары оқушыларға қандай міндет қоюды жоспарлап отырсыз?

Бағалау – оқушылардың материалды меңгеру деңгейін қалай тексеруді жоспарлайсыз?

Денсаулық және
қауіпсіздік техникасының
сақталуы

ТІМSS, PIZA тапсырмалары, деңгейлік тапсырмалар

Ашық журлан арқылы сабақтың өн бойында тапсырмаларды орындау деңгейін көрсететін критерийлер бойынша мысалы:

1.Компьютер алдында ақ халатпен отыру.

2.Мұғалімнің рұқсатымен компьютерді қосу.

3.Компьютер алдында отырғанда денені тік ұстап,монитормен адам арасындаға арақашықтықты сақтау.

4.Әр сарамандық жұмыстан кейін көзге жаттығу жасау

5.Жұмыс соңында компьютерді өшіру.