Поурочный план урока "Путь к добру" 6 класс

Сабақ мақсаты:

Оқушылардың өзін-өзі танудың адам өміріндегі мәнділігі жөніндегі ұғымдарын дамыту.

Міндеттері:

Білімділік: Оқушыларға ізгілік ұғымы туралы түсінік беру

Дамытушылық: Оқушылардың ізгі істерге жетелейтін адамгершілік қасиеттерінің дамуына ықпал ету.

Тәрбиелік: Мейірімді, ықыласты болуға тәрбиелеу

Ресурстар:(құралдар, эл. Оқулық, мәлiметтер)

Сабақ барысы:

1. Ұйымдастыру кезеңi.

Тыныштық сәтi (Нұрға бөлену).

1. Үй тапсырмасын тексеру.

Сабақ барысын талдау:

1. Дәйексөз.

«Кімде, кім өзін сүйсе, туысқандарын сүйсе, өз елін сүйсе, әсіресе, адам баласын бауырым деп білсе, сол адамды ізгі атайды»

М.Жұмабаев

Дәйексөзді оқимыз. Оқушылар есте сақтап қалу үшін бірнеше рет қайталаймыз.

• Осы дәйексөздің мағынасын қалай түсінесіңдер? (Мағынасын ашып талдаймыз. Оқушылардың айтқан ойларын тыңдаған соң қорытындылаймыз)

Дәйексөзді дәптерге жазу.

1. Әңгiмелеу,мұғалімнің сыйы.

«Ізгілік» аңызы

Ертеде  бір шаһарда екі кісі өмір сүріпті. Олардың бірі саудагер Даулет, ал екіншісі құдық қазып ақша табатын Сабыр екен. Саудагер   ылғида көршісінің ауыр   бейнетпен су шығарып жатқанын көріп, ішінен мынандай ауыр бейнет жасап жарлы болғанша, мен секілді сауда жасап неге бай болмайды екен деп ойлайды. Бір күні ол көршісіне қашан көрсемде ауыр бейнетпен пұл тауып жүргеніңді көремін, бірақ әлі байыған жоқсың. Сонда тапқаның қайда кетеді?- деп сұрайды. Сонда жарлы табысымды төртке бөлемін. Бірінші бөлігімен қарызымды өтеймін, екінші бөлігін қарызға беремін, ал үшінші бөлігін алдыңғы күнге азыққа қалдырамын, төртінші бөлігін ғана әйеліміз екеуміз азық етеміз деп жауап беріпті. Е, онда түсінікті - депті  Даулет көршісі. Бірақ түнімен ұйықтай алмай, азанда барып айтқанын түсіндіріп беруін өтінеді. Сонда көршісі сөзінің мәнін былай – деп түсіндіріпті. Бірінші бөлігімен қарызымды өтеймін дегенім, бірінші бөлігін кәрі ата – анама беремін деп айтқаным, олар мені өмірге әкелді, өсірді. Олардың еңбегін қайтару еш мүмкін емес, перзенттік борышты ешқашан өтей алмаспын. Сонда да өтеуге тырысамын, өйткені ата – анасына жақсылық жасаған адам  пайғамбарлар мен жәннатқа кіреді деген.   Екінші бөлігін қарызға бермін дегенім балаларға жұмсағаным, олар кейін бізді бағады, яғни қарызды қайтарады. Басқаларға мейірім етпеген өздері де мейірімге бөленбейді деген.  Үшінші бөлігін алдыңғы күнге азыққа қалдырамын дегенім,  жетім жесірлерге тегін су шығарып беріп ақыретке азық жинаймын дегенім. Себебі халық игілігі үшін  су шығарып берген адамның алар сауабы, өзі өлседе артынан үзілмей барып тұрады, төртінші бөлігін әйеліміз екеуміз азық етеміз, ол түсінікті - деп жауап береді.

Саудагер Даулет құдық қазушы Сабырдан нені білгісі келді?

Саудагер Даулеттің ойы қандай болды?

Құдық қазушы не деп  жауап берді?

Құдық қазушы Сабырдың өз жауабын  қалай деп түсіндірді?

Осы сәтті қай кейіпкер  дұрыс пайдалана білді?

1. Шығармашылық жұмыс.

1 тапсырма Нақыл сөздерді оқып

Мен кіммін? Менің өмірдегі мақсатым не? Деген сұрақтарға жауап береді

2 тапсырма

Өмірмен сәйкестендіре отырып, жағдаяттарды шешіп, мысалдар келтіру.

3 тапсырма «серпілген сауал» әдісі бойынша

Ізгілікті болу үшін...

Елжанды азамат болу үшін...

Оқуда үлгілі болу үшін...

Еңбексүйгіш болу үшін... өз ойларымен толықтырады.

1. Топпен ән айту.

Армансыз күнім болмайды

Сөзі: Т. Толқынқызы

Әні: Ш. Ахметова

Бақытты жанмын сонда да бірақ
Көңілім кейде толмайды
Алаңсыз күліп жүрген кезде де
Армансыз күнім болмайды

Аспанда күнде айналар түнге
Арманым өлсе сол қайғы
Бақытқа сенемін
Армандай беремін
Армансыз күнім болмайды

1. Үй тапсырмасы.

Өлең жолдарын шығару

1. Соңғы тыныштық сәтi. (жай музыка қосу)

Ыңғайланып отырыңыздар, көздеріңізді жұмыңыздар. Бүгінгі сабақтан алған әсерлеріңді, үйренгендеріңізді жүректеріңізге түйіп алыңыздар.

Көздеріңізді ашуларыңызға болады.

Рахмет!