Қазақстан Республикасының мемлекеттік рәміздері

Қысқа мерзімді жоспар

Пән: дүниетану

4- бөлім «Менің туған өлкем»

Күні: 19.12.2018

Мектеп: №276 орта мектеп

Мұғалімнің аты-жөні: Бакенова А

Сынып: 2 А

Қатысқандар саны: 30

Қатыспағандар саны:

Сабақтың тақырыбы

Қазақстан Республикасының мемлекеттік рәміздері (43-45-бет) Ж.Д.35-37-бет ЖБ №4

Осы сабақта қол жеткізілетін оқу мақсаттары (оқу бағдарламасына сілтеме)

2.3.5.1.ҚР –ның мемлекеттік рәміздерінің маңызын түсіндіру

2.3.5.2 бақылаулар негізінде ҚР мемлекеттік рәміздерінің қолданылу саласын анықтау

Сабақтың мақсаттары

Оқушылардың барлығы мынаны орындай алады: Оқулықта берілген және қосымша тапсырмаларды орындайды. Сұраққа жауап береді.

Оқушылардың көбісі мынаны орындай алады: Топтық жұмысты бірлесе орындайды.Өз бетінше жұмыс жасайды. Сұраққа жауап береді. Қосымша үлестірме ресурстармен жұмыс жасайды.

Оқушылардың кейбіреуі мынаны орындай алады:

Оқулықтан тыс берілген қосымша тапсырмалады орындайды, тақырып бойынша қосымша мәліметтер мен дәлелдер келтіре алады.

Бағалау критерийлері

-.ҚР –ның мемлекеттік рәміздерінің маңызын түсінеді;

-топ ішінде тапсырманы орындайды;

-жобалық жұмыстардың орындалу кезеңдерін түсінеді;

Құндылықтарды дарыту

Еңбек және шығармашылық құндылығы

Пәнаралық байланыс

Музыка, жаратылыстану сабағы

АКТ қолдану дағдылары

Аудиожазба , таныстырылым.

Тілдік мақсат

Оқушылар:

Негізгі сөздер мен тіркестер:

Мемлекеттік рәміздер

Сыныптағы диалог үшін пайдалы тілдік бірліктер

Еліміздің мемлекеттік рәміздері дегеніміз не ?

Мемлекеттік рәміздерді қандай жағдайларда қолданады ?

Өз еліңнің Гимнін естіген кезде қандай сезімде боласың ?

Алдыңғы оқу

Қандай көлік түрлері бар ?

Сабақ барысы

Сабақтың жоспарланған кезеңдері

Сабақтағы жоспарланған іс-әрекет

Ресурстар

Сабақтың басы

Ынтымақтастық атмосферасын қалыптастыру

5 минут

Сәлемдесу

Айналайын балғындар,

Алға бағыт алғандар.

Сабағымыз басталды,

Кіруге қоңырау соғылды.

Алға қойып мақсатты,

Тілеймін сендерге сәттілік!

Үй тапсырмасын тексеру : Қазақстан Республикасының мемлекеттік рәміздері (43-45-бет)

мәтінді оқу, мазмұндау.

Сабақтың ортасы

1. минут

(Т) 1-тапсырма. «Суреттер стратегиясы» .

Суретке қараңдар. Нені байқадыңдар?

Біздің еліміздің мемлекеттік рәміздері:Елтаңба,ТУ,Гимн. Рәміздер -біздің елімізді дүниежүзіне танытатын мемлекеттік бет-бейне.

Бағалау: қол шапалақ

(Ұ) 2- тапсырма. Мәтінді оқыту, түсіну

Оқушылар оқулықтағы негізгі тақырыппен танысады.

Біздің мемлекеттік туымыздың түсі-көк.Ол Қазақстан халқының ашық аспан астында бейбіт саясат ұстанатынын бейнелейді.Тудың ортасында шуақ шашқан күн.Оның астындағы алтын қыран азаттығымыз бен еркіндіміздің нышаны.

Мемлекеттік Елтаңбамыздың ортасында қасиетті шаңырақ бар. Ол бір шаңырақ астында достық пен татулықта өмір сүріп жатқан көпұлтты Қазақстан халқын айшықтайды.

Әр адам өз елінің рәміздерін мақтан тұтады. Ол халықтың бойына күш-қуат , рух береді.

Бағалау: бағдаршам.

(Ж) 3-тапсырма. Сурет бойынша сұрақтарға жауап беру.

1. Суретте не бейнеленген ? Ол туралы не білесің ? (Ақорда. Елбасы резиденциясы. Астана қаласында.)

2. Бұл қай елдің тулары ?(Қазақстан, Америка, Ресей. Халықаралық форумға қатысушылардың тулары.)

3.Суретте кім ? Ол туралы не білесің ? (Қазақстан Республикасының Президенті Нұрсұлтан Әбішұлы Назарбаев )

Бағалау: жұлдызша арқылы.

(Ж) 4-тапсырма.

Қазақстанның мемлекеттік рәміздері -Тудың ,Елтаңбаның ,Гимннің қай уақыттарда қолданылатынын достарыңа айтып бер.

«Қазақстан Республикасының Мемлекеттік символын» қолдану тәртібі Қазақстан Республикасының мемлекеттік рәміздер туралы Заңында жазылған.

Бағалау: бас бармақ арқылы

(Т) 5- тапсырма. Сұрақтар мен тапсырмалар.

1.Сөйлемді аяқта:"Қазақстанның Туы мен Елтаңбасы дүние жүзіне--------------------------.

2.Өз елінің Гимнін естіген кезде қандай сезімде боласың?

Бағалау бағдаршам

(Т) 6- тапсырма. Зерттеу жүргізіп көр.

Тек мемлекетті ғана емес жеке қаланы да танытатын елтаңбалар болады.Өз қалаңның елтаңбасы қандай?

Зерттеп көр. Не себепті олай жасалғанын айт. Оны білу үшін ақпарат көздерін пайдалан.

Бағалау : смайлик

Оқулық

Сюжетті суреттер

Сергіту сәті

2 минут

(Т) . « Қара жәшік» ойыны.

Ойын шарты: Үстел үстіне екі жәшік қойып ,ішіне тарақ,кітап,қалам,алма,бор, дәптер, кітап,өшірігіш салады. Ойыншы бір затты алып,сипаттайды.Қарсы топ жасырып отырған затты табады.

Жәшік

Ойынға қажетті заттар

Аяқталуы

10 минут

Жазылым. ЖБ №4

Жұмыс дәптері ( 35 -бет)

А. №1. Қазақстан Республикасының Мемлекеттік Туы мен Елтаңбасы орналасқан жерлерді суретке түсір. Бұлар қандай орындар болуы мүмкін? Ол суреттерді төмендегі бос орынға орналастырып, астына ойыңды жаз.

В. №2. Қазақстан Республикасының Мемлекеттік Туы мен Елтаңбасын қандай жағдайларда орналастырады ? Мемлекеттік Гимннің қай кезде орындалатынын анықта. Мемлекеттік рәміздерді берілген анықтамаға сәйкес келетін түсімен боя.

№3. Суретте берілген Елтаңбада нелер бейнеленгенін жаз. Ол бейнелер қаланы айшықтап тұр ма ?

С. №4. Өз сыныбыңның туын безендір. Оның түсіне және белгісіне мән бер. Сыныптасыңның жұмысын бағала.

Үйге тапсырма: Қазақстан Республикасының мемлекеттік рәміздері (43-45-бет) мәтінді оқу, мазмұндау.

Оқулық Дәптермен жұмыс

Сабақтың соңы

3 минут

Кері байланыс ауызша жүргізіледі.

Рефлексия.

Кестені толтыру арқылы бағалауды ұйымдастыру.

- Менің түсінгенім......................

-Маған қиын болды, өйткені .........................

-Мен .................................тырыстым.

Сабақтан алған әсерлерін стикерге жазып, жабыстырады

Қосымша ақпарат

Саралау – Сіз қосымша көмек көрсетуді қалай жоспарлайсыз? Сіз қабілеті жоғары оқушыларға тапсырманы күрделендіруді қалай жопарлайсыз?

Бағалау – оқушылардың үйренгенін тексеруді қалай жоспарлайсыз?

Пәнаралық байланыстар, қауіпсіздік және еңбекті қорғау ережелері, АКТ-мен байланыс. Құндылықтардағы байланыс

А деңгейдегі тапсырманы орындау арқылы мемлекеттік рәміздер туралы біледі.

Бағдаршам, бірін-бірі тексеру, смайлик арқылы және мадақтау сөздері арқылы бағалаймын.

Жаратылыстану пәнімен байланыстыра отырып, өз қаласының елтаңбасын зерттеп біледі.

Рефлексия

- Сабақ/оқу мақсаттары шынайы ма?

- Бүгін оқушылар не білді?

- Сыныптағы ахуал қандай болды?

- Мен жоспарлаған саралау шаралары тиімді болды ма?

- Мен берілген уақыт ішінде үлгердім бе?

- Мен өз жоспарыма қандай түзетулер енгіздім және неліктен?