«М.Мақатаев атындағы №13 орта мектеп» МКМ
Мәңгілік елдің – болашағымыз
(Бастауыш сыныптардың апталығының ашылу салтанаты)
Жауаптылар: Толкимбекова Н
Алибекова С
Кузембекова С
Өтеген батыр кенті
2017 жыл
Тақырыбы: Мәңгілік елдің – болашағымыз
Мақсаты: Оқушыларды елін сүюге, бірлікке, ел тарихын білуге, тіл мәдениетін қалыптастыру және дамыту, өзіндік ой пікірін дәйекті, жүйелі айта білуге, ұтымды шешен сөйлеуге баулу. Ұлтжанды, патриот сезімі ұялаған, өз ойын айқын, көркем жеткізе алатын толыққанды жеке тұлға етіп тәрбиелеу.
Көрнекілігі: Қанатты сөздер, слайд, шарлар т.б
Жүру барысы: қонақтар барлығы АКТ залға кіріп отырады. Музыка ойналып тұрады. Кенет экраннан музыкамен бірге «Жаңалықтар» деген сөз шығады.
Журналист:
-Армысыздар! Сіздерге күндізгі жаңалықтарды ұсынамыз! Бүгінгі таңда ауданымыздың білім ордаларының бірі Мұқағали Мақатаев атындағы №13 орта мектепте бастауыш сыныптардың апталығы өтуде. Осы апталықтың ашылуына арнайы кездесу ұйымдастырып отырмыз. Белгілі кино актер Берік Айтжанов бізде қонақта. Олай болса, Берік Айтжановты студиямызға шақырамыз. /сұхбат алу/
-Актерлік мамандықты таңдауыңызға не себеп болды және өз жүрек қалайыңызбен бардыңыз ба?
-Жақсы маман болуы үшін, адам нені біліп, нені үйренуі керек?
-Қай жерде туып өстіңіз?
-Әтттеген-ай деген шақтарыңыз болды ма?
-Сіз «Рухани жаңғыру» дегенді қалай түсінесіз?
-Мектепте қандай оқушы болдыңыз? Екілік алғанда не істеуші едіңіз? Ұстаздарыңызды еске аласыз ба?
-Балалық шағыңыздан есте қалған қандай қызықты оқиғаларыңыз бар?
-Біз сияқты өсіп келе жатқан жас жеткіншектерге қандай ақыл-кеңестер айтар едіңіз?
Жүргізуші: -Оқушыларымыз осы кездесуден қандай әсер алды екен? Соларға кезек берейік
1-оқушы: Еңбек етсем, ертеңгі – бақытыма сенемін,
Мақсатыма жеткізер – уақытыма сенемін.
Достық іспен қасты да – жеңеріме сенемін,
Ақыл, сана білім мен – өнеріме сенемін.
2-оқушы: Арым -таза, ақ көңіл – адалдыққа сенемін.
Абыройлы, ақ ниет – адамдыққа сенемін! -дегендей бүгінгі кездесуде ағамыздың айтқан ақыл-кеңестерін жадымызда сақтап, ілім – білім алуға барлық күш – жігерімізді жұмсап, егеменді еліміздің ертеңі – болашағымыздың рухани жан – жақты дамыған азаматтары боламыз деп сенім білдіреміз.
Жүргізуші:– Ал, дәл қазір мектепте «Мәңгілік елдің – болашағымыз!» атты бастауыш сыныптардың апталықтарының ашылуы өтуде. Ендеше бірге тамашалайық!
Жүргізуші: Білімге деген құштарлық,
Билесін адам санасын.
Білімді болсаң білікті,
Бар сыннан жолды табасың,
Тақпақтар: (білім туралы)
Ақжүніс: Мектеп деген білім кені,жыр кені,
Мектеп деген ғылымның ең үлкені
Мектеп деген тәрбиеші адамға
Мектеп деген даналардың мекені
Мектеп,мектеп,менің жарқын көңілім.
Мектеп,мектеп,шаттық толы өмірім.
2-оқушы: Кеудемнен сезім селі ақтарылсын
Болармын күні ертең – ақ мақтанышың,
Білім алып,тер төгем,еңбек етем,
Өзіңнің сеніміңді ақтау үшін!
3-оқушы: Талпынамыз,тойлаймыз
Талапты біз жоймаймыз.
Ұлы мақсат шыңына,
Шықпай әсте қоймаймыз.
Білім басы бастауышта қаланар,
Білімменен әлемге жол салынар
4-оқушы: Алтын ұя мектебім аялаған,
Бар балаға білім беріп сая болған.
Үлкен жолға түсіріп шәкірттерін,
Жаманға да жақсыға пана болған
Ән:
Жүргізуші:
Шырын: Мәңгілік ел ата-бабаларымыздың сан жылдар бергі асыл арманы.
Ол арман – әлем елдерімен терезесі тең қатынас құратын, әлем картасынан ойып орын алатын Тәуелсіз Мемлекет атану еді.
Аңсар: Ол арман – тұрмысы бақуатты, түтіні түзу ұшқан, ұрпағы ертеңіне сеніммен қарайтын бақытты ел болу еді. Міне, сол армандар ақиқатқа айналып, Мәңгілік елдің іргетасы қаланды.
Айнаш: Біздің халқымызда атамекенді ардақтау сезімі өте терең, өз елі үшін жанын да, барын да аямаған. Осы бір қасиеті жанымызға ана сүтімен тарап, ана тілімен дарып, ақ нанымен бекуі тиіс. Өйткені, Отан біз үшін оттан да ыстық.
Бекзат: Біз еліміздің болашағымыз. Сондықтан біздің иманды,білімді,өнерлі, болуымыз еліміздің ертеңі үшін аса маңызды.
Тақпақтар: (Отан,Қазақстан туралы)
Айзере: Қасиетті Қазақстаным,мекенім,
Ақиқаттың алтын бесігі екенсің.
Елім,жерім,Отаным,бақ-дәулетім,
Болашағым, өнер-білім,өркенім.
Әлихан: Отан деген әрбір жүрек дірілі,
Отан үшін болып келем үлгілі.
Менің,сенің үмітіміз ертеңгі,
Қазақстан-келешектің мекені.
Айнара: Дарқан далам – сенің,менің қуатым,
Ата-бабам сақтаған жез қанатым,
Салт-дәстүр,дініміз бен тіліміз,
Бола бермек мәңгі менің жалауым.
Асима: О,Родина! В неярком блеске
Я взором трепетным ловлю
Твои пролески, прелески-Все,
Что без памяти люблю.
Заман: Твой путь, республика, тяжел
Но я гляжу в твой глаза.
Какое счастье, что нашел
Тебя я там, где родился!
Бахтияр: Бежит волна неторопливая,
Простор полей ласкает глаз.
Какая Родина счастливая,
И это счастье все для нас!
Аяулым, Инкар, Алинур ағылшынша тақпақтар айтады.
Жүргізуші: Бұл қай кезде болады?
Көрініс: Бала мен күз
Бала: Сәлем саған күз!
Күз: Амансың ба, балақай?
Бала: Сыйлығын көп пе?
Асыға күттік біз.
Күз: Бітік шықты егінім.
Астық толды қырманға
Елдің көбі жүр сонда
Бала: Бауырсақ пен ақ тоқаш
Мол болады десеңші
Күз: Ақ маржандай күріш.
Жүгері мен тары
Қара құмық жетеді
Бала: Ботқа менен көжесіз
Таңғы астың мәні жоқ.
Күз: Көкөнісім көп менің – Шалқан, сәзіз, қияр,
Асқабақ пен пияз бар
Бала: Көкөкністе екен ғоо,
Тамақтың бар нәрі.
Күз: Бақтарымда тұр менің.
Алма менен алмұртым.
Бала: Алма қандай шырынды.
Алмұрт қандай жұғымды?
Күз: Міне менің сыйым
Жемісімді теріп ал!
Астығымды төкпей- шашпай,жиып ал!
Бала: Рахмет саған, алтын күз!
Күз:-Балалар мен сендерге құр алақан келген жоқпын. Өзіммен бірге сендерге тапсырмаларымды ала келдім. Жемістерімнің құпия тапсырмаларын экранға қарап орындап көріңдер.
Жүргізуші: -Жақсы күз. Сенің еңбегіннің нәтижесін, жемістеріннен көріп отырсақ, ал біздің оқушыларымыздың жемісін, алған білімдерінен байқайтын боламыз.
- Ендеше барлықтарыңызға сәттілік тілеп, тапсырмаларымызды орындауға кірісейік.
-Кәне,жемістеріміздің алғашқы тапсырмасын көрейік.(суреттер бойынша үш тілде әңгіме құрастыр)
Тапсырмалар орындалады (Күз, аңшы)
Ән:
Жүргізуші: Жас достарым,
Мұны жақсы ұғайық-
Қазақ, орыс, ағылшын тілдері
Құрметтеуге лайық!
Дүниедегі сұлулықтың бәрі де,
Мүмкін емес қызыл тілсіз түсіну,
Көп тіл білу – өте қажет бүгінде!-дей отырып,
Екінші тапсырмамыз- «Бәйге» Бұл ойында мақал-мәтелдерде түсіп қалған сөздерді тауып, жұмбақтардың шешуін тауып, үш тілдегі баламасын айтады.
1.Адам басшысы- ...(ақыл, ум, intelligence)
2.Ана сүті бой өсіреді, ... ой өсіреді (ана тілі, родной язык,language)
3.Нет дыма без ... (огонь,от,fire)
4.Чистота залог...(здоровье, денсаулық, health)
5. Жазда жайнайды,
Күзде жайрайды. (жапырақ-листья-lebes)
6.Айбат шегіп алыстан,
Аң патшасы -........(арыстан-лев-lion)
7.Уылжыған албырт
Дәмі ғажап - ..........(алмұрт-груша-rear)
8.Мойыны сұрақ белгісі,
Бұл қандай көл құсы. (аққу-лебедь-sebans)
Ән:
Қорытындылау:
Жүргізуші: - Міне,бүгін «Мәңгілік елдің - болашағымыз» атты сабағымызда ән-жырлар, тақпақтарынды арнап жатырсыңдар.
-Балалар, болашаққа қандай ұранмен барасыңдар!
Оқушылармен хормен:
-Алау болып жанамыз,
Көкке қанат қағамыз!
Біз бақытты баламыз!
Біз – Қазақстанның болашағымыз! (Лентаны жоғары көтереді)
Ән:
