Тақырыбы: Сүт және сүт өнімдері.
Сабақтың мақсаты: Сүт және сут тағамдары туралы мағлұмат беру.
Білімділігі: Төрт түлік малдан өндірілетін сүт өнімдері, сүттен жасалатын тағамдарды атап үйрету.
Дамытушылығы: Оқушылардың сын тұрғысынан ойлауын,теориялық және практикада алған білімдерін күнделікті тұрмыста пайдалануға бағыт-бағдар бере отырып,өздіктерінен жұмыс істеуге,салыстыруға,бірінің пікірін бірідамыта отырып,өзара сыйласуға ,қорытынды шығаруға машықтану және адам ағзасы үшін пайдасын тани білуінен мәлімет беру, сүт тағамдарын дайындай білуге үйрету.
Тәрбиелік: тағам жасаудың тәсілдерін үйрету тазалыққа, ұқыптылықпен үнемділікке тәрбиелеу.
Сабақтың түрі: аралас
Сабақтың әдісі: көрнекілікпен түсіндіру, сарамандық жұмыста алған білімдерін бекіту.
Керекті құрал жабдықтар: төрт түлік мал туралы сөздер, сүттен даярланған тағам түрлері, сөзжұмбақ
Пәнаралық байланыс:халықтық педагогика,әдебиет,биология,тарих
Сабақтың барысы:І.Ұйымдастыру:
Топқа бөлу.Балалар 1,2,3,4,5-ке дейін санау арқылы 1-лер бөлек,2,3,4,5 өз алдына топ құрады."Сиқырлы сандықшадан өз топтарына есім алады. 1-топ "Балқаймақ"тобы, 2-топ "Кілегей"тобы,3-топ"Балмұздақ" тобы,4-топ"Ірімшік"тобы,5-топ"Ақбұлақ"тобы
1.Қызығушылығын ояту сатысы Жаңа сабақты түсіндіру.
Қазақтың сүт және сүт тағамдарына тоқталу. Қазақтың ұлттық тағамдары туралы не білсе,оны топтастыру арқылы қағаз бетіне түсіру.Оқушы ойындағыны тоқтаусыз ,шектемей,жаза береді,ол үшін уақыт беріледі(7 минут).Оқушылар жазғандарын оқиды,жинақтайды.Төрт түлік малдың суреті бүктемені пайдалану. Сүт сауын малдан ,яғни биеден,інгеннен,сауын сиырдан ,қой,ешкіден алынады. 1.Ой қозғау.Сөздік жұмыс:
Сүт -малдан алынатын өнім.
Уыз – жаңа төлдеген малдың алғашқы қою сүті.
Ашқылтым – сүт тағамдарының дәмі.
Малта – езілген құрттың жұқанасы.
Меңіреу – қой сүтінен ұйытылған қатық түрі.
Ұйытқы – сүтті ұйыту үшін мәйек, айран, сүзбе сияқты ащылар "ұйытқы" деп аталады.
Торта – май қайнатқанда шығатын тұнба.
Қату (май қату, сүт қату) – тағамға май, қаймақ қосуды айтады. Мысалы, шайға сүт, сорпаға қатық қатады.
Айну (айныған) – сұйық тамақтың (қымыз, шұбат, айран т.б) дәмінің бұзылуы.
Мал өсіруге қолайлы ел – Қазақстан .Мал және одан алынатын өнімдер қазақтың басты тамақтарының бірі-сүт. Қазақ халқының ішіп-жемінде сүт тағамдары ерекше орын алады. Төрт түлік малдың сүтін және одан жасалған айран, қымыз, шұбат сияқты сусындарды халқымыз "ағарған" немесе "ақ" деп атаған. Осы ақтан көптеген жылдар бойы әжелеріміз, аналарымыз тәжірибе жинақтай келе одан көптеген тамақ түрлері мен дайындау әдістерін білген және олардың көптеген қызықты атаулары, ерекше жасау, пісіру жолдары тағы бар. Сөйтіп бір сүттен, қою, қоймалжың, ащы, тұщы, жұмсақ, қатты, ұнтақ тағамдар жасап шығарылған. Сүт тағамдары денсаулыққа пайдалы және қоректі қасиеті де мол. Сүттің алатын орны ерекше. Барша жұрт сүтті ең жеңіл тағам ретінде бағалайды. Пайдасы: асқазаны бұзылған, сондай - ақ басқа да ауыр науқастарға жүрегі, бүйрегі, бауыры ауыратын адамдарға пайдалы. Әсіресе ешкі сүті ағзаға жұғымды. Ешкі сүті ана сүтімен тең. Әлсіреген адамға немесе көк жөтелмен ауыратын балаға беріледі. Кезінде академик И. П. Павлов сүтті "табиғаттың өзі дайындаған тамаша тағамы" деп бағалаған. Біз тамақ ішу үшін өмір сүрмейміз, өмір сүру үшін тамақтанамыз.
2. Өзіндік жұмыс. Тест сұрақтарын орындау:
1. Уыз неден жасалады?
а) ашыған сүттен
ә) сүттен
б) төлдеген малдың алғашқы күнгі сүтінен
2. "Лактоза" дегеніміз не?
а) сүттің қанты
ә) сүттің майы
б) сүттің минералды тұзда
Сабақтың теориялық және практикалық бөліміне баса назар аударыла отырып оқушылардың білімін бағалау.
Үй тапсырмасы: Ірімшік қосып пирог дайындап үйрену.
