«Балалық шақтан бақытты сәттер »

Тақырыбы

«Балалық шақтан бақытты сәттер »

Мақсаты

• Оқушыларды жан-жақтылыққа, көпшілдікке тәрбиелеу. Өзін-өзі тануға, бағалай білуге, басқара білуге тәрбиелей отырып, эстетикалық, ақыл-ой, адамгершілікке баулу.

Міндеттері

• Адам өміріндегі қуанышты сәттер, істеген игі істерден рахаттану, барды қанағат тұту және жалпы адам бақыты туралы әңгімелесу;
• Бақытты болуға, өмірдің әр сәтін қадірлей білуге тәрбиелеу.

Күтілетін нәтиже

Балалық шақ- бақытты сәт,бақытты күндер ұғымын кеңейтеді, барлық бала бақытты болуға лайықты екеніне көз жеткізеді.

Ресурстар

Флипчарт, маркерлер, А 4 қағаздары,суреттер.

Ұйымдастыру

Мұғалімнің іс- әрекеті

Оқушының іс- әрекеті

Ынтымақтастық атмосферасы,топқа бөлу

Қонақтармен амандасып алайық. - Біз әдепті баламыз, Біз ерекше боламыз. Үлкендерді көргенде, Сәлемдесіп аламыз.

Оқушыларды шаттық шеңберіне шақырып, «Бақытты балалық шақ» әнін тыңдауды ұсынады. Шаттық шеңбері балаларды белсенді, ынталы, қуанышты көңіл күйге бастап, терең ризашыл сезімге бөлейді.

-Балалар, бір-бірімізге жақсы тілектер тілейік?

Оқушылар тілектер айтады.

Топқа бөлу

Тәттілер арқылы топқа бөлу.

Конфеттер арқылы топқа бөлу.

Ой қозғау

1-жүргізуші:Алуа

- Құрметті ұстаздар, оқушылар! Біздің бүгінгі «Балалық шақтан бақытты сәттер » атты тәрбие сағатымызға қош келдіңіздер! 2-жүргізуші: Жәнібек

-Адам баласының ең бақытты да, өміріне із қалдырар тәтті кезеңі ол – балалық шағы.

1-жүргізуші:Алуа

-Иә дұрыс айтасың, ата-анамыз жанымызда, ұйқысы тыныш, қарнымыз тоқ, шат-шадыман күлкімен уақытымызды өткіземіз.

2-жүргізуші:Жәнібек

Өмірдің қайталанбас сағынышқа толы кезеңі – бақытты балалық шақ. 1-жүргізуші:Алуа

- Қош келіпсіз, құрметті қонақтар, Жүздеріңнен мейірім мен нұр тамар, Алдарыңда жауқазындай құлпырған, Балғын шақты біз бақытты балалар!

2-жүргізуші:Жәнібек

Біздің сыныптың оқушылары дайындаған балалық шақ, бақытты сәт туралы тәп-тәтті, сүйкімді сыңғырлаған дауыстарымен айтылатын тақпақтарын тыңдайық.

1-жүргізуші:Алуа

Сонымен, бақыт дегеніміз біздің балалық шағымыз, өмір сүріп жатқан ортамыз, отбасымыз. Балалық шақта асыр салып ойнаймыз, мектепке барамыз. Мектепте ең қызықты күндеріміз өтеді.

2-жүргізуші:

Ән:Бала тілегі

Оқушылар тақпақтарын айтады.

Хормен ән орындайды.

Ой қозғау

1-жүргізуші:Алуа

Сыныптастар барлығымыз үйден балалық шақтың қызықты сәттерін баяндайтын постер дайындап келдік.Сол постерлерімізді қорғауға дайынбыз ба?

2-жүргізуші:Жәнібек

-Алуа барлығы дайын сияқты.Өзіңнен бастап қорғауға қалай қарайсың?

Постерлерін қорғайды.

Кім көп біледі?

1-жүргізуші:

Енді біз қатысушы балаларымызбен «Не жаксы, не жаман» ойынын ойнаймыз.

-Табиғатка қамқорлық жасаған.

-Суды ластаған.

-Ағаш отырғызу.

-Құстарды өлтіру.

-Ауланы таза ұстау.

-Құстарға ұя жасау.

-Ағашты сындыру.

-Ауаны ластамау.

2-жүргізуші:Жәнібек

-Балалар біздің бойымызда тек жақсы қасиеттер көп болсын!

Топтар жақсы мен жаман қасиеттерді ажыратады.

Қорыту

Сахналық көрініс. 1-жүргізуші:Алуа Нуртазаев Ақылбек пен Нұржан Балаусаның өнерін тамашалайық. Сейфолла Оспановтың «Бақыт деген не өзі?» әкесімен қызының арасындағы диалог

Қызы: Айтшы білсең егер де, Әке бақыт деген не?

Әкесі: Бақыт деген, шырағым Мынау әсем тұрағың. Ну ормандар, гүл бағы, Күннің күліп тұрғаны БАҚЫТ- дәні далаңның. «Ботам» деуі әжеңнің, Тыныштығы әлемнің.

Қызы : Қайда бақыт мекені, Қалай оған жетеді?

Әкесі : Адал еңбек етесің Сонда ғана жетесің.

Қызы: Көрінбейтін көзіңе, Сонда оның өзі не?

Әкесі: Бақыт деген, сөзім шын Айналайын, өзіңсің!

Қорытынды: - Сонымен бақыт дегеніміз - ой арманның орындалуы, қуанышты сәттердің көп болуы, біздің әсем тұрағымыз, деніміздің саулығы, бейбіт өміріміз, жанұяның татулығы, береке, бірлігі. Ең бастысы балалық шағымыз екен. - Құрметті ұстаздар, оқушылар осымен бүгінгі «Балалық шақтан бақытты сәттер»атты тәрбие сағатымыз өз мәресіне де келіп жетті. Қош сау болыңыздар!

Екі топта өздеріне берілген заттардан «достық» үйін құрастырады,ойларын қорытады.

Бағалау

Бір бірінің жұмыстарын «От шашу», «Бас бармақ» әдістерімен бағалайды

Топтар әр жұмыс сайын бір бірін бағалап, қолпаштап отырады

Рефлексия

«Бір ауыз айтайын» әдісі арқылы сабақты қорытындылау

Әр оқушы.

-«Мен үшін бақыт.» деп оқушылар кезек-кезек бақыт жайлы өз түсініктерін стикерге жазып бір сөзбен айтып шығады.