Сабақ тақырыбы:
«Адамның дүниетанымы»
Үй тапсырмасын тексеру
Кітаптағы 18 беттегі «Әйтеке бидің аталы сөздері» ел аузынан мәтінін мазмұндау
1) Әйтеке бидің батаны балаға қалар мұраға теңеуінің себебі неде
2) Әйтекенің «Жақсы адамның жанына жаттың ауырғаны да батады» дегенінен нені аңғаруға болады?
3) Әйтеке би қандай қасиеттерді жақсы адамның серігі деді?
4) Біздің бүгінгі тақырыбымыз қандай құндылықты ашады деп ойлайсындар?
Дәйексөз:
«Өтірік ақиқаттан алыстатса, шындық ақиқатқа жақындатады. Ақылы мен ұжданы үйлесім тапқан адам өтірік айтпайды»
Шәкәрім Құдайбердіұлы
1) Дәйексөзді қалай түсінесіңдер?
Әңгімелеу
«Қарттың ұлына өсиеті» ертегісі
Сұрақтары:
1) Жігітке әкесі қандай өсиет айтты?
2) Жігіт әкесінің өсиетін қалай орындады?
3) Көшедегі қарт адам жігітке қандай жақсылық істеді?
4) Ата-бабаларымыздың бізге айтқан өсиеті қандай құндылыққа жатады?
5) Өмірде шындықты тура бетке айтатын адамды кездестіріп көрдін бе? Ондай адамның жақсы қасиеттерін ата.
Топтық жұмыс:
1-топ: Ақиқат пен шындықтың айырмашылығын анықтап, схема жүзінде ақ ақғазға салып, мысалмен дәлелдеу.
2-топ: Адалдық және ақкөңілділік қасиеттерге ереже құрастырып, формуласын ойлап табу.
Топпен ән айту :
Өміріңе немқұрайлы қарама
Сөзі мен әні: Дарибаевтар
Тыңда, досым, мен айтайын от тілек,
Дүниеден кетті бай да, өтті бек.
Өміріңе немқұрайлы қарама
Дәулетіңмен тұрсаң-дағы көк тіреп.
Әр күн сайын тек сен үшін атып таң,
Зерлі шапан киінсең де жақұттан.
Өміріңе немқұрайлы қарама
Шақша басың айналса да бақыттан.
Қайырмасы:
Бақ құсыңды қонған кезде бағала,
Қолда мәңгі тұрмайтын ол шағала.
Кенелсең де, досым, қанша шатыққа,
Өміріңе немқұрайлы қарама.
Тұсау салып, бастатқызбай көш дара,
Етсе-дағы дұшпан күлкі, дос таба.
Өміріңе немқұрайлы қарама,
Тағдыр желі қарсы алдыңнан соқса да.
Сын сағатта сақтау үшін өз басын
Сатып кетіп сеніп жүрген жолдасың.
Өміріңе немқұрайлы қарама
Айдын көлге айналса да көз жасың.
Қайырмасы:
Бақ құсыңды қонған кезде бағала,
Қолда мәңгі тұрмайтын ол шағала.
Қанша азап көрсең-дағы, бауырым,
Өміріңе немқұрайлы қарама.
Үй жұмысы:
Кітаптағы 23 беттегі Абайдың «Көк тұман – алдындағы келер заман» атты өлеңін мазмұндау.
Бүгінгі сабақ үшін сіздерге көп рахмет!!!
